- తెలంగాణ కేబినెట్ విస్తరణపై సస్పెన్స్‌ జోరుగా కొనసాగుతోంది!
- రెవంత్ ఢిల్లీ టూర్లకు ఆశలు.. నేతలకు నిరాశలే మిగిలింది!
- పదవుల ఆశతో బహిరంగంగా పేలుతున్న కాంగ్రెస్ నేతలు
- వర్గపోరుతో కాంగ్రెస్ పార్టీకి తొలి షాకింగ్ పరీక్ష!
తెలంగాణ ధ్వని : తెలంగాణలో మంత్రివర్గ విస్తరణ అంశం రోజుకో మలుపు తిరుగుతోంది. ప్రస్తుతం కేబినెట్లో కేవలం ఆరుగురికే అవకాశం ఉండగా, పదవికి ఆశించే నేతల సంఖ్య భారీగా ఉంది. ముఖ్యమంత్రి రేవంత్ రెడ్డి ఢిల్లీకి వెళ్లిన ప్రతిసారి కేబినెట్ విస్తరణపై ఊహాగానాలు ఊపందుకుంటున్నాయి. కానీ, ఇప్పటి వరకు అధికారికంగా ఎలాంటి ప్రకటన లేదు. పలువురు నేతలు తమకు అన్యాయం జరుగుతోందంటూ బహిరంగంగానే అసంతృప్తిని వ్యక్తం చేస్తున్నారు. కోమటిరెడ్డి రాజగోపాల్ రెడ్డి, మల్‌రెడ్డి రంగారెడ్డి, ప్రేమ్‌సాగర్ రావు వంటి నేతలు ప్రత్యర్థులపై విమర్శలదీశారు. ముఖ్యంగా ప్రేమ్‌సాగర్ రావు, డిప్యూటీ సీఎం మల్లు భట్టి సమక్షంలోనే తీవ్ర వ్యాఖ్యలు చేశారు. పార్టీ మారిన నేతలకు పదవులు ఇస్తే నష్టం జరుగుతుందని హెచ్చరించారు. కోమటిరెడ్డి, జానా రెడ్డి మధ్య వర్గపోరు బహిరంగమవుతోంది. ఉమ్మడి ఖమ్మం జిల్లాలో ముగ్గురు మంత్రుల మధ్య సమన్వయం కరువైంది. కరీంనగర్‌లో జీవన్ రెడ్డి, సంజయ్‌ల మధ్య విభేదాలు తీవ్రంగా ఉన్నాయి. జీవన్ రెడ్డి సైతం తనపై అన్యాయం జరుగుతోందని ఆవేదన వ్యక్తం చేశారు. ఎమ్మెల్సీలు కోదండరాం, విజయశాంతి, అద్దంకి దయాకర్‌లు కూడా మంత్రిపదవుల ఆశలో ఉన్నారు. కాంగ్రెస్ అధిష్ఠానం గ్రూప్ రాజకీయాలను అదుపులో పెట్టలేకపోవడంపై విమర్శలు వెల్లువెత్తుతున్నాయి. పది సంవత్సరాల తర్వాత అధికారంలోకి వచ్చిన కాంగ్రెస్‌కి ఇది మొదటి కష్టసాధ్య పరీక్షగా మారింది. ఒక వర్గానికి ఇచ్చినా మరో వర్గం తిరగబడే పరిస్థితి ఉంది. పదవులపై ఆశతో ఉన్న నేతల్లో నైతికంగా నలివెళ్తున్నారు. అసంతృప్తుల పక్కన నిలబడేందుకు కాంగ్రెస్ అధిష్ఠానం ఇప్పటివరకు ఏ మెరుగైన రోడ్‌మ్యాప్ చూపించలేదు. పార్టీ ఏకతాటిపై నడవాలంటే విస్తరణపై స్పష్టత అవసరం. రాష్ట్రంలో పాలనకూ రాజకీయ సమతుల్యతకూ విస్తరణ కీలకమని నిపుణులు చెబుతున్నారు. రేవంత్ రెడ్డి నిర్ణయాలు తుది సమయానికి దగ్గరగా ఉండొచ్చన్న ప్రచారం సాగుతోంది. కానీ, అపేక్షల తీవ్రతతో అసంతృప్తుల వేదన మరింత ఉత్కంఠ కలిగిస్తోంది.
రిపోర్టర్. ప్రతీప్ రడపాక
