తెలంగాణ ధ్వని : తెలంగాణ రాష్ట్ర కాంగ్రెస్ ప్రజా ప్రభుత్వం అమలు చేస్తున్న సన్న బియ్యం పంపిణీ కార్యక్రమం నర్సంపేట మున్సిపాలిటీలో ప్రారంభమైంది. టీపీసీసీ సభ్యులు పెండెం రామానంద్ 21వ వార్డులో లబ్ధిదారులకు సన్న బియ్యం పంపిణీ చేశారు. ఈ సందర్భంగా ఆయన మాట్లాడుతూ, పేద ప్రజలకు ఆహార భద్రత కల్పించడానికి ఈ పథకం ఎంతో ఉపయోగకరమని తెలిపారు. కార్యక్రమంలో ఓబీసీ వరంగల్ జిల్లా అధ్యక్షులు ఓర్సు తిరుపతి, నర్సంపేట మాజీ మార్కెట్ చైర్మన్ ఎర్ర యాకుబ్ రెడ్డి, మాజీ వార్డు సభ్యులు గాజుల రమేష్, కొయ్యాడి సంపత్ గౌడ్ తదితరులు పాల్గొన్నారు. ప్రభుత్వం ప్రతి కుటుంబానికి నాణ్యమైన బియ్యం అందించేలా చర్యలు తీసుకుంటుందని నేతలు వెల్లడించారు. లబ్ధిదారులు ఈ పథకం వల్ల తమ భారం తగ్గిందని ఆనందం వ్యక్తం చేశారు. ప్రభుత్వ సంక్షేమ కార్యక్రమాలను మరింత సమర్థంగా అమలు చేయాలని స్థానికులు విజ్ఞప్తి చేశారు. ప్రజలకు మేలు చేసేందుకు ప్రభుత్వం ఈ విధంగా పలు పథకాలను అమలు చేస్తుందని తెలిపారు. స్థానిక నాయకులు, కార్యకర్తలు ఈ కార్యక్రమంలో చురుకుగా పాల్గొన్నారు. మొత్తం కార్యక్రమం విజయవంతంగా కొనసాగింది.
రిపోర్టర్. దీప్తి
