తెలంగాణ ధ్వని : సివిల్ సప్లయ్ అధికారులు మొండి బకాయిదారులపై తగిన చర్యలు తీసుకోకుండా నోటీసులు జారీ చేసి చేతులు దులుపుకుంటున్న పరిస్థితి ప్రజల్లో ఆగ్రహం రేపుతోంది. గడువు ముగిసినా ప్రతి సారి కొత్త గడువు పెట్టి మిల్లర్లకు సహాయం చేస్తుండటంపై తీవ్ర విమర్శలు వ్యక్తమవుతున్నాయి. ఇప్పటికే మూడు, నాలుగు సార్లు గడువు ఇచ్చినా, రైస్ మిల్లర్లు మాత్రం సీఎంఆర్ ఇవ్వకుండా తాము ఇష్టపడినట్లుగా వ్యవహరిస్తున్నారు. ఇటీవల ప్రభుత్వం మిల్లర్లను హెచ్చరించి, జనవరి 31 వరకు మొత్తం సీఎంఆర్ తిరిగి చెల్లించాలని స్పష్టం చేసింది.
2023-24 రబీ సీజన్‌ నుంచి 2024 ఖరీఫ్‌ సీజన్‌ వరకు ఉన్న బకాయిలు మిల్లర్లు మిలింగ్ కెపాసిటీ మరియు ఇతర సాంకేతిక కారణాలను చూపుతూ చెల్లించకపోవడం గమనార్హం.
రూ.80 కోట్ల బకాయిలు!
ఉమ్మడి వరంగల్‌ జిల్లా వ్యాప్తంగా 15 మిల్లుల నుంచి రూ.80 కోట్ల విలువ చేసే సీఎంఆర్ రావాల్సి ఉందని సివిల్ సప్లయ్ అధికారులు వెల్లడించారు. 2023-24 యాసంగి మరియు 2024 రబీ కేటాయింపులతో ఈ మొత్తం మరో రూ.10 కోట్ల వరకు పెరిగే అవకాశం ఉంది. నిర్లక్ష్యం వహిస్తున్న మిల్లర్లపై చర్యలు తీసుకోవడంలో అధికారులు విఫలమవుతున్నప్పటికీ, మిల్లర్లు వారి వైఖరిని మార్చడం లేదు.
ఆర్ ఆర్ యాక్టు అమలుకు దూరం!
ఉమ్మడి వరంగల్‌ జిల్లాలో బాయిల్డ్ మరియు రా రాస్ మిల్లుల సంఖ్య 328 వరకు ఉంది. 2022-23 నాటికి మిల్లర్ల వద్ద సుమారు లక్షా 20 వేల మెట్రిక్ టన్నుల పైచిలుకు సీఎంఆర్ బకాయిగా ఉంది. సివిల్ సప్లయ్ ఎన్‌ఫోర్స్‌మెంట్ అధికారులు తనిఖీలు చేసినప్పుడు కొన్నిరోజుల క్రితం అసలు ధాన్యం కూడా లేకపోవడం గమనార్హం. మిల్లులపై కేసులు నమోదు చేసి ఆర్ ఆర్ యాక్టు అమలు చేయాల్సి ఉన్నా, అధికారులు ఈ దిశగా చర్యలు తీసుకోలేదని విమర్శలు వస్తున్నాయి.
సిన్డికేట్ వ్యూహాలు:
మిల్లర్లు తమ వ్యూహాత్మక ప్రవర్తనతో సిండికేట్‌గా మారి, రబీ బియ్యాన్ని ఖరీఫ్‌కు, ఖరీఫ్‌ బియ్యాన్ని రబీకి మార్చి, ప్రభుత్వం మరియు రైతులపై తమ ప్రభావాన్ని చూపిస్తున్నారు.
సివిల్ సప్లయ్ అధికారులు నిర్లక్ష్యంగా వ్యవహరించడం, బకాయిలు చెల్లించనట్లుగా కనిపించడం వల్ల ప్రభుత్వానికి రూ.80 కోట్లపైన బకాయిలు రావాల్సి ఉంది. ఈ పరిస్థితి వెంటనే పరిష్కరించాల్సిన అవసరం ఉన్నదని విశ్లేషకులు సూచిస్తున్నారు.
రిపోర్టర్. కళ్యాణి
