బాద్ కు బ్రాండ్ ఇమేజ్ పెంచనున్న మిస్ వరల్డ్ 2025: సీఎం రేవంత్ రెడ్డి
హైదరాబాద్, మే 5 – 72వ మిస్ వరల్డ్ 2025 పోటీలను విజయవంతంగా నిర్వహించేందుకు ప్రతి ఒక్కరూ కృషి చేయాలని తెలంగాణ ముఖ్యమంత్రి శ్రీ రేవంత్ రెడ్డి అధికారులను ఆదేశించారు. ఒక నెలపాటు కొనసాగనున్న ఈ పోటీలు హైదరాబాద్ నగరంలో జరుగనున్నాయి. ఈ ప్రతిష్టాత్మక అంతర్జాతీయ ఈవెంట్ ద్వారా హైదరాబాద్ బ్రాండ్ ఇమేజ్ ప్రపంచవ్యాప్తంగా మరింత పెరిగే అవకాశముందని ముఖ్యమంత్రి ఆశాభావం వ్యక్తం చేశారు.
ఈ పోటీకి తెలంగాణ ప్రభుత్వం స్పాన్సర్ చేయడం గర్వకారణమని ఆయన పేర్కొన్నారు. పోటీ సందర్భంగా రాష్ట్రంలోని పలు పర్యాటక ప్రదేశాల ప్రచారం కోసం ప్రత్యేక కార్యాచరణను పర్యాటక శాఖ రూపొందించింది.
మిస్ వరల్డ్ కంటెస్టెంట్లు రాష్ట్రంలోని ప్రముఖ పర్యాటక ప్రాంతాలను సందర్శించనున్నారు. దీంతో తెలంగాణ పర్యాటకానికి ప్రపంచవ్యాప్తంగా గుర్తింపు లభించనుంది. విదేశీ అందాల భామల రాకతో రాష్ట్ర పర్యాటక రంగానికి కొత్త ఊపు వచ్చినట్లు అధికారులు తెలిపారు.
ఈ పోటీలు దేశీయ మరియు అంతర్జాతీయ పర్యాటకులను ఆకర్షించేలా చేసేందుకు తెలంగాణ ప్రభుత్వం ప్రత్యేక ప్రణాళికలు రూపొందించినట్లు సమాచారం.
